WizzAir AZAL-ı günahlandırdı
"WizzAir aviaşirkəti Bakıya uçuşlarını bu şəhərin hava limanı birtərəfli şəkildə bizimlə müqavilənin müddəalarını dəyişdirdikdən sonra dayandırıb. Şirkət Azərbaycanda və ya başqa bir yerdə tələb olunan xidmət haqqlarını ödəməkdən imtina etməyib".
Bunu WizzAir Azal-ın iddiasına cavab olaraq bildirir. Ucuz uçuşlar edən Macarıstanın WizzAir şirkəti bildirir ki, 2015-ci ildə Bakıya uçuşlar bərpa olunmayacaq, çünki şirkətin bu il üçün iş qrafiki artıq müəyyən edilib:
"Lakin şirkət bu məsələ ilə bağlı istənilən yeni təklifini nəzərdən keçirməyə hazırdır. Əgər hava limanı rüsumları və uzunmüddətli saziş Azərbaycana ucuz qiymətə uçuşları yerinə yetirməyə imkan versə, bu barədə əvvəlcədən xəbər veriləcək".
Qabil Hüseynli: "6 partiya qalacaq"
Politoloq Qabil Hüseynli Modern.az-a deyib ki,“İqtidarla əməkdaşlıq edən 6 siyasi partiya qalacaq. Onlar da Azərbaycan siyasətinin müxalifəti olacaq”.
"Kapital bank" hər gün açıq olacaq
Kartların verilməsini sürətləndirmək məqsədilə Kapital bankın müvafiq filiallarında iş qrafikini dəyişib. Artıq filiallar həftə içi 09:00-dan 20:00-dək, şənbə və bazar günləri isə 09:00 – 18:00-dək müştərilər üçün açıq olacaq. Gücləndirilmiş iş rejimi iyul ayının sonunadək qüvvədə qalacaq.Hazırda bununla bağlı Bankın 10 Bakı və 26 regional filialı gücləndirilmiş iş rejimində fəaliyyət göstərir. Sosial müavinətlərin və təqaüdlərin plastik kartlarla bankomatlar vasitəsilə ödənişi xidmətlərinin satınalması üzrə may ayında tenderdə Kapital bank qalib gəlib və bu kartları Kapital bank verir. Hər bir şəxs yalnız şəxsiyyət vəsiqəsilə Kapital Bankın müvafiq filialına yaxınlaşaraq növbəlik prinsipi ilə öz ödəniş kartlarını alır
Skype-la evlənmə, SMS-lə boşanma
Nikah məsələlərində taciklər deyəsən, yeni texnologiyalardan tam faydalanmağa başlayıblar.
"Ali savadlı iqtisadçı Şahnoza İdrisovanın nikahı valideynlərinin əhatəsində, Düşənbədəki mənzilində baş verib və kəbini yerli molla kəsib. Təzəbəy Pərviz isə mərasimə noutbukdakı görüntüsü ilə “qatılıb”.
“Bu, gəlinlik paltarı qonaqları, əla yeməkləri ilə normal bir toy idi – fərq onda idi ki, Pərviz həmin vaxt Tunisdəydi.”