Ölkənin inkişafının göstəricisi nədir? Olimpiya oyunları yoxsa insana münasibət?
Martın 20-də AzadlıqLive-da: Azərbaycan prezidentinin xarici tənqidlərə sərt cavabı, politoloq Hikmət Hacızadənin prezidentin çıxışına fəlsəfi münasibəti, toyuqların şişməsi bütün dünyada problemdir, Naxçıvanda zorla torpağı sığorta etdirirlər, ancaq təbii fəlakət olanda sığortanı vermirlər, üstündə "Allah" yazılan üzük
1950-ci illərdə 900 qram olan broyler toyuğu indi 4200 qram olub
ABŞ-da 2014-cü ilin sonlarında yayımlanan araşdırmaya görə 1950-ci illərdə ABŞ-da 56 -günlük broyler toyuq 900 qram olurdusa, 2005-ci ildə 4200 qram olub. Tədqiqatçılar bildirir ki, toyuq ətinə, xüsusilə də döş ətinə təlabat nə qədər çox olursa, broyler toyuqların da həcmi o qədər böyük olur. AzadlıqLive-da
Naxçıvanda sığorta əjdaha kimi suyun qabağını kəsir
Babək rayon Nehrəm kənd sakini Məhəmməd Məmmədov deyir ki, hər il 10 hektara yaxın taxıl əkir. O bildirir ki, hər dəfə də ondan müxtəlif yollarla sığorta pulu alıb, əvəzində heç bir sənəd təqdim etmirlər: “ Hər dəfə taxılı suvaranda hektara 10 manat sığorta, 6 manat da supulu alırlar. Verməsən, su da vermirlər, əkin yanır. Məcbur olub veririk. Oturub orada, deyir ki, verməsən su da yoxdu. Bu pulu da qeyri-qanuni alırlar. Heç bir sənəd təqdim etmirlər. Keçən il mən şikayət etmişdim, dedilər sən qarışma. Əgər, nəyəsə qiymət qoyulursa, nazirlər kabinetinin, yaxud prezidentin bununla bağlı qərarı olmalıdı. Həmin qərarı istəyirəm, vermirlər. Bizdən aldıqları pulun qarşılığında sənəd vermirlər ki, ziyan dəyəndə də gedib əvəzin alaq. Belə hal olanda deyirlər ki, bizimlə müqavilən yoxdur deyə, heç nə ödəyə bilmərik. "Ətraflı AzadlıqLive-da
HİKMƏT HACIZADƏ: “İLHAM ƏLİYEV KÜSÜB, AVROPAYA DƏRS DEYİR”
Politoloq Hikmət Hacızadə ölkə prezidenti İlham Əliyevin martın 19-dakı çıxışına münasibət bildirib: “Gəl, dünyanı başa sal ki, biz düz edib jurnalistləri həbsxanaya doldururuq, ya düz edib seçkiləri pozuruq…” AzadlıqLive-da
