Putin öz maaşını bilmir
Mətbuat konfransında Putin-dən soruşublar ki, «Rosneft»in prezidenti Sechin nə qədər maaş alır?
Putin cavab verib ki, o, Sechin-in maaşını bilmir, hətta özünün də maaşından xəbəri yoxdur:
«Sözün düzü, mən heç öz maaşımı da bilmirəm. Gətirirlər, yığıram, hesaba göndərirəm, hətta saymıram».
#Putin: «Ərdoğan möhkəm kişidir» http://t.co/PAv8bQMKK8 http://t.co/LZk0mUtY8v
— AzadliqRadiosu (@RadioAzadliq) 18.12.2014
Putin Qərbi virtual «Berlin divarı» yaratmaqda ittiham edir
Rusiya prezidenti Vladimir Putin Qərbi virtual «Berlin divarı» yaratmaqda ittiham edib. O, rusiyalılara söz verir ki, iqtisadiyyat bərpa olunacaq.
İllik çox saatlıq mətbuat konfransı keçirən Putin iqtisadiyyatın bərpasının qaçılmaz olduğunu bəyan edir.
O, bunun 2 il ərzində baş verəcəyini deyir.
Kremldə yüzlərlə jurnalistin sualına cavab verən Putin deyib ki, Rusiyanın maliyyə çətinlikləri xarici amillərlə yaranıb. Bunlara neftin qiymətinin düşməyi də daxildir. Putin iqtisadiyyatı şaxələndirməyi düşünür.
Mətbuat konfransında aqressiv dildən istifadə edən Putin Moskva ilə Qərbin qarşıdurmasında ABŞ və Avropa Birliyini təcavüzkar, Ukraynanı isə bu ölkədəki münaqişənin günahkarı adlandırıb.
Gürcüstan haqda #Putin Ukraynadakı kimi yerli sakinlərlə danışmaq lazımdır. 19-cu ildə də Abxaziya ilə Gürcüstan müharibə etmişdilər.
— AzadliqRadiosu (@RadioAzadliq) 18.12.2014