Keçid linkləri

Təcili xəbərlər
2021, 05 Mart, Cümə, Bakı vaxtı 04:53

Vaqif Nəsib. Lalların əli danışır


Vaqif Nəsib

-

Sahilsiz göy üzündə

Çırpınan əllər görünür.

Neçə lal dənizində

Əl boyda dillər görünür.

İlk insandan başlayan,

əsrləri xışlayan

sözün təməli danışır,

Lalların əli danışır.

Qayalar silkələnib –

Hey kəl olmaq istədi.

Daşlar dil açsın deyə

Heykəl olmaq istədi

Əlin əməli danışır,

Lalların əli danışır.

Soltan Yusif şerini

Əli ilə oxudu.

Həmin gün ilmələrlə

Neçə şeir toxudu.

Əllərdən boy göstərib

Qəlblərin teli danışır.

Lalların əli danışır.

Rəhbərlər vədli – vədli,

Yalanı “ulu” danışır.

Dəlilər zodlu – zodlu,

Olanı dəli dnaışır

Soltan Yusiflər odlu –

Onların əli danışır.

XS
SM
MD
LG