Uruqvay İngiltərəyə gücünü göstərdi – 2:1

Dünya futbol çempionatında qrup mərhələsinin oyunları davam edir. C qrupunda Kolumbiya komandası Fil Dişi Sahili millisini 2:1 hesabı ilə məğlub edərək dünya çempionatında ikinci qələbəsini qazanıb. Yaponiya-Yunanıstan oyununun ilk hissəsində kapitanın qırmızı vərəqə alması balkan təmsilçisini azlıqda qoyub. Yaponların qol vurmaq şansları olsa da, istəklərinə nail ola bilməyiblər - 0:0. D qrupunda Uruqvaya 1:2 hesabı ilə uduzan ingilislər vəziyyətlərini bir qədər çətinləşdiriblər. Hesabı oyunun 39-cu dəqiqəsində uruqvaylı futbolçu Luis Suarez açıb. Matçın 75-ci dəqiqəsində Wayne Rooney hesabı bərabərləşdirib. On dəqiqə sonra Luis Suarez oyunda dubl edib və komandasının 2:1 hesablı qələbəsini rəsmiləşdirib.