Yerevanda millətçilərlə polis bir-birini dəyənəklə əzişdirib

Noyabrın 5-də Ermənistanın paytaxtı Yerevanda polislə millətçi "Tsexakron" partiyasının fəalları arasında qarşıdurma olub. İnqilab elan etdiyini deyən partiya sədri Shant Arutyunyan prezident iqamətgahına qarşı yürüş təşkil edib. Yürüş zamanı polislə qarşıdurmada həm polis, həm də aksiyaçılar dəyənəklərdən istifadə ediblər. Hadisə zamanı 38 nəfər saxlanıb. Onlardan 14 nəfərinə, o cümlədən partiya sədrinə qarşı hakimiyyət nümayəndəsinin həyatına təhlükə yaradan hərəkətlər törətmək ittihamı ilə cinayət işi açılıb. Bu ittihamla onlar 10 ilə qədər müddətə azadlıqdan məhrum oluna bilərlər. Qarşıdurmadan görüntülər.