Təsəvvür elə ki, hazırda dünyadakı milyonlarla qaçqın kimi səni də kimsə zorla evindən qovur. Özünlə nə götürməyə çalışardın? Bundan sonrakı həyatda sənə yardım edəcək bir şey? Yoxsa, sentimental duyğularınla bağlı nəsə? Ya bəlkə sevimli ev heyvanını? BMT-nin Qaçqınların işləri üzrə Ali Komissarlığı 20 İyun Beynəlxalq Qaçqınlar Günü münasibətilə ölkələrindən qaçqın düşmüş adamların özləriylə hər şeydən əvvəl nəyi götürdüklərini soruşub. (http://www.unhcr-centraleurope.org/1family/)
Qaçmağa məcbuq qalsan, özünlə nə götürərdin?
1
Sudanın Bofe kəndinə əsgərlər hücum edəndə 20 yaşlı Magbola Alhadi alnız 3 qızına yemək bişirə bilmək üçün qazanını götürüb evini tərk edib.
2
Somarst və Nur Suriyada vətəndaş müharibəsində 1 yaşlı qızlarını itiriblər. Yerdə qalan iki uşaqları ilə ölkədən qaçanda isə yalnız ailə fotolarını götürüblər.
3
Wais Əfqanıstandan qaçanda 15 yaşında olub. Hazırda Varşavada yaşayır. Deyir ki, evdən çıxanda anası ona bir üzük və ailə şəkillərini verib.
4
Lina Qəzzanı 2010-cu ildə tərk edib. Bir müddət Misir, Liviya və İordaniyada qalandan sonra Rumıniyaya qaçıb. Dörd uşaq anası və dul qadın olan Lina evdən çıxanda uşaqlarının çəkdikləri şəkilləri və yazdıqları məktubları götürüb. Rumıniyada sığınacaq alana qədər uşaqlarından birini 9 ay İordaniyada qoymalı olub.
Bölmələr
- Siyasət
- Sosial
- İqtisadiyyat
- Azərbaycan-Ermənistan münaqişəsi
- Dünya
- Radio: Qaynar xətt
- İslam və demokratiya
- Insan haqları
- İdman
