Tbilisidə evsizlərin intizarlı yeni ili

Son iki ayda Gürcüstanın paytaxtı Tbilisidə 50 ailə köhnə dəmiryolu xəstəxanasının köhnə tərk edilmiş binasında məskunlaşıb. Onlar ya küçələrdə qalmış adamlar, ya da yoxsulluqdan ev kirayəsi ödəyə bilməyən ailələrdir. Bu ailələrin keçirdikləri aclıq, ağızlarını tikmək kimi etiraz aksiyalarından sonra şəhər rəhbərliyi onların bir müddət həmin binada yaşamalarına razılaşıb. Amma bu 50 ailənin evlə bağlı problemlərinin gələcəkdə necə olacağı hələlik aydın deyil. AzadlıqRadiosunun gürcü xidmətinin əməkdaşları həmin ailələrə baş çəkib, onların istiliksiz, suyu gəlməyən binadakı yaşayış şəraitlərini fotolara köçürüblər.