Dünya müsəlmanları Qurban bayramını qeyd edir

İslam dünyasının müqəddəs bayramlarından sayılan Qurban bayramı bütün müsəlman ölkələrində qeyd olunur. Qurban kəsmə İbrahim peyğəmbərin adı ilə bağlı mərasimdir. Qurani-Kərimə görə, oğlu İsmayılı Allah yolunda qurban kəsməyə hazır olan İbrahim peyğəmbərin bu əməli əsl möminlik kimi qiymətləndirilir və Allah-təala İbrahim peyğəmbərə oğlu İsmayılın əvəzində qurban kəsmək üçün iki cüt qara qoç göndərir. Bu səbəbdən bütün dünya müsəlmanları hər il İbrahim peyğəmbərin və oğlu İsmayılın xatirinə qurban kəsirlər.