-
Bakı şəhər Təhsil İdarəsinin bir qrup əməkdaşı külli miqdarda dövlət əmlakını mənimsəməkdə təqsirləndirilir.
Onların 2010-2012-ci illərdə 695000 manatdan çox dövlət vəsaitini mənimsədikləri bildirilir.
Bu barədə Baş prokurorluq iyulun 5-də məlumat yayıb.
Məlumatda deyilir ki, Bakı şəhər Təhsil İdarəsinin Binəqədi-Nəsimi xidmət bölməsinin bir qrup məsul şəxsi müxtəlif adamları məktəbin işçiləri kimi qeydiyyatdan keçirərək onlar üçün hesablanmış əmək haqlarını mənimsəyiblər.
Fakt üzrə Cinayət Məcəlləsinin 179.3.2-ci (külli miqdarda mənimsəmə və ya israf etmə) və 308.2-ci (vəzifə səlahiyyətlərindən sui-istifadə etmə) maddələri ilə cinayət işi başlanılıb.
İttiham sübut olunsa, onlar əmlakları müsadirə edilməklə 7 ildən 12 ilə qədər azadlıqdan məhrum edilə bilərlər.
Təqsirləndirilən şəxslərin bu ittihamları qəbul edib-etmədiyi isə hələ ki, ictimaiyyətə bəlli deyil.
Bakı şəhər Təhsil İdarəsinin bir qrup əməkdaşı külli miqdarda dövlət əmlakını mənimsəməkdə təqsirləndirilir.
Onların 2010-2012-ci illərdə 695000 manatdan çox dövlət vəsaitini mənimsədikləri bildirilir.
Bu barədə Baş prokurorluq iyulun 5-də məlumat yayıb.
Məlumatda deyilir ki, Bakı şəhər Təhsil İdarəsinin Binəqədi-Nəsimi xidmət bölməsinin bir qrup məsul şəxsi müxtəlif adamları məktəbin işçiləri kimi qeydiyyatdan keçirərək onlar üçün hesablanmış əmək haqlarını mənimsəyiblər.
Fakt üzrə Cinayət Məcəlləsinin 179.3.2-ci (külli miqdarda mənimsəmə və ya israf etmə) və 308.2-ci (vəzifə səlahiyyətlərindən sui-istifadə etmə) maddələri ilə cinayət işi başlanılıb.
İttiham sübut olunsa, onlar əmlakları müsadirə edilməklə 7 ildən 12 ilə qədər azadlıqdan məhrum edilə bilərlər.
Təqsirləndirilən şəxslərin bu ittihamları qəbul edib-etmədiyi isə hələ ki, ictimaiyyətə bəlli deyil.
