Bunu martın 18-də Milli Məclisin iclasında İTV Yayım Şurasının tərkibi təsdiq edilərkən Ana Vətən Partiyasının sədri Fəzail Ağamalı deyib. O, bu televiziyanın uğurlarıyla yanaşı, qüsurlarının olduğunu da diqqətə çatdırıb.
Deputatın fikrincə, İTV parlamentin iclaslarından, deputatların çıxışlarından da yetərincə məlumat yaymır:
«İctimai Televiziyanın fəaliyyətinə diqqət yetirəndə elə təəssürat yaranır ki, verilişləri eyni şəxslər hazırlayır, ümumiyyətlə, rəngarəngliyin olmadığı müşahidə edilir».
Deputat ümid edir ki, Yayım Şurasının martın 18-də təsdiqlənən üzvləri bu məsələdə öz sözlərini deyəcəklər.
Fəzail Ağamalı İTV rəhbərliyinə də üz tutaraq deyib ki, verilişlər hazırlanarkən ayrı-seçkiliyə yol verilməsin.
