Əli Əkbər Salehi İranın xarici işlər naziri oldu

İran parlamenti atom enerjisi agentliyinin rəhbəri Əli Əkbər Salehinin xarici işlər naziri vəzifəsinə təyinatını qəbul edib.

241 deputatdan 146-sı onun lehinə səs verib.

Salehi səsvermədən əvvəl İranın nüvə proqramıyla bağlı beynəlxalq aləmlə mübahisənin ölkənin xarici siyasətində əsas məsələlərdən biri olduğunu bildirib.

Prezident Mahmud Əhmədinejad ötən ilin dekabrında keçmiş xarici işlər naziri Manucöhr Mottakini istefaya göndərib və onun yerinə Salehini təyin edib.