Keçid linkləri

2017, 19 Sentyabr, çərşənbə axşamı, Bakı vaxtı 23:07

Ərdoğan Obamaya məktub yazıb


ABŞ prezidenti Barak Obama (sağda) və Türkiyənin Baş naziri Rəcəb Tayyib Ərdoğan, Vaşinqton, 7 dekabr 2009

Türkiyənin Baş naziri Rəcəb Tayyib Ərdoğan ABŞ prezidenti Barak Obamaya məktub göndərərək “erməni soyqırımı” qətnaməsinin dayandırılmasını istəyib. Ərdoğan yazıb ki, əgər bu qətnamə qəbul edilsə, ABŞ-la Türkiyə arasında münasibətlərə ciddi ziyan dəyəcək.

Bu barədə Xarici İşlər naziri Əhməd Davudoğlu dekabrın 20-də Türkiyə parlamentinə bildirib.

ABŞ-ın "erməni soyqırımı"nın tanımasını nəzərdə tutan həmin qətnamənin dekabrın 21-də Nümayəndələr Palatasında müzakirəyə çıxarılacağı gözlənir.

Ermənilər 1915-1917-ci illərdə Osmanlı İmperiyası dövründə Türkiyədə ermənilərin soyqırıma məruz qaldıqlarını, o zaman 1.5 milyon erməninin məhv edildiyini iddia edir. Türkiyə isə iddiaları rədd edir. Ankara bildirir ki, həmin vaxt xarici ölkələrin təhriki ilə ermənilər Türkiyədə üsyanlar, qırğınlar törədiblər.

Bu ilin əvvəlində - martın 4-də Nümayəndələr Palatasının xarici əlaqələr komitəsində “soyqırım qətnaməsi” qəbul edilib. Buna etiraz edən Ankara Vaşinqtondakı səfirini geri çağırıb, ABŞ-ı münasibətlərin korlanacağı barədə xəbərdarlıq etmişdi. ABŞ prezidenti və Dövlət Katibinin müraciətlərindən sonra sənədin növbəti mərhələlərdə müzakirəsi prosesi dayananadan sonra Ankara səfirini yenədn Vaşinqtona qaytarıb.

Günün bütün mövzuları

XS
SM
MD
LG