Keçid linkləri

2024, 11 May, şənbə, Bakı vaxtı 02:23

Hamı istiqraz almağa…


«Kommunist» qəzetinin 5 may 1950 –ci il sayında Şamaxı rayon zəhmətkeşlərinin istiqraz almalarından bəhs edən məqalə dərc edilib
«Kommunist» qəzetinin 5 may 1950 –ci il sayında Şamaxı rayon zəhmətkeşlərinin istiqraz almalarından bəhs edən məqalə dərc edilib
1950–ci il 5 apreldə Sovet hökuməti SSRİ Xalq təsərrüfatının bərpa və inkişafı üçün Beşinci dövlət istiqrazının buraxılması haqqında qərar verir. Azərbaycanda böyük təbliğat maşını işə düşür. Hər kəs istiqraz almağa cəlb edilir. Qəzetlərdə isə istiqraz alan rayonlardan geniş məqalələr yazılır.

«Kommunist» qəzetinin 5 may 1950 –ci il sayında Şamaxı rayon zəhmətkeşlərinin istiqraz almalarından bəhs edən məqalə dərc edilib.

«Yeni istiqraza yazılış böyük müvəffəqiyyətlə davam edir»

«Hədsiz sevinclə

Şamaxı rayonunun zəhmətkeşləri SSRİ Xalq təsərrüfatının bərpa və inkişafı üçün Beşinci dövlət istiqrazının buraxılması haqqında Sovet hökumətinin qərarını böyük sevinclə qarşıladılar. Rayonun bütün idarə, müəssisə, MTS, sovxoz və kolxozlarında bu münasibətlə izdihamlı mitinqlər oldu.

Köylər kəndindəki «Beriya» kolxozunda keçirilən mitinqdə yüksək məhsul manqabaşçısı, Sosialist Əməyi Qəhrəmanı Musa Kərimov yoldaş çıxış edərək dedi:

- Ölkəmiz qüdrətli sənaye-kolxoz ölkəsi olmuşdur. Biz indi öz təsərrüfatımızı mexanikləşdiririk. Hər il çoxlu taxıl əkib bol məhsul götürürük. Bununla kifayətlənməyərək biz artıq öz pulumuzla da doğma dövlətimizə kömək etməyə hazırıq. Mən yeni istiqraza böyük ruh yüksəkliyi ilə yazılıram.

«Artıq pullarını dövlətə borc verdilər»

Əməkdar müəllim Asəf Məmmədov yoldaş ölkəmizdə elm və maarifin gündən-günə çiçəklənməsində dövlət istiqrazlarının rolundan danışdı və buradaca yeni istiqraza həvəslə yazıldı.

M.C.Bağırov adına üzümçülük sovxozunda keçirilən mitinqdə sovxoz ilk partiya təşkilatının katibi Sultan Rəhimov, staxanovçu fəhlə Vera Alimova yoldaşlar və başqaları artıq pullarını dövlətə borc verdilər.

Yeni istiqraza yazılış rayonun Bağırlı sovetliyindəki Stalin, Sabir, Şirvanzadə, Çuxuryurd kəndindəki Lenin, Çarhan kəndindəki Kalinin kolxozlarında da mütəşəkkil keçdi».

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG