Keçid linkləri

2024, 23 May, Cümə axşamı, Bakı vaxtı 14:17

Polşa prezident ailəsiylə vidalaşır


Smolenskdə təyyarə qəzasında həlak olmuş Polşa prezidentinin xanımı Mariya Kaçinskanın da cəsədini Varşavaya gətiriblər. Bir gün əvvəl Rusiyada onu barmağındakı nişan üzüyündən tanıyıblar.

Polşanın səhiyyə naziri Eva Kopaç jurnalistlərə bildirib ki, Mariya Kaçinskanın barmağında içində yazısı olan nişan üzüyü olub. Elə bu üzüklə də cəsədin xanım Kaçinskiyə məxsus olması aydınlaşıb.


AzadlıqRadiosunun Polşadakı müxbiri Aleksandr Lemeşevskiy xəbər verir ki, Mariya Kaçinskanın cənazəsini aeroportda yaxınları və fəxri qaravul qarşılayıb və minlərlə varşavalının müşayiətiylə Prezident Sarayına doğru yola salınıb.

Adamlar havanın yağışlı olmasına baxmayaraq, Prezident Sarayına yığışıb. Prezident dəftərxanasının rəhbəri Yaçek Sasin bilidrib ki, Lex və Mariya Kaçinskilərlə vidalaşmaq istəyənlərin hər birinə imkan yaradılacaq, lazım gəlsə, qapılar gecə də açıq olacaq:

«Birinci ledi prezidentlə birgə bu saraydan Rusiyaya yollanıb, burda onlar birgə yaşayıblar, sonrasa bir yerdə Rusiya torpağında həlak olublar. Fikirləşirəm ki, onların cənazələrinin də vidalaşmaq üçün yanaşı qoyulması düzgündür».

Əvvəlcədən müəyyənləşdirilib ki, bazar günü dəfn mərasimi olsun. Artıq vidalaşma mərasimi başlayıb.

Hələlik prezident və xanımının harada dəfn ediləcəyi məlum deyil. Mümkündür ki, bu, Varşava kilsələrinin biri olsun.

Smolenskdəki təyyarə qəzasında Polşanın 100-ə yaxın ictimai-siyasi xadimi, millət vəkili, ölkə prezidenti və xanımı həlak olub.

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG