«Berlin divarı»nın dağıdılması təntənəylə qeyd olunur
13
Almaniyada «Berlin divarı»nın dağıdılmasının 20-ci ildönümü təntənəylə qeyd olunur.
Almaniyanın kansleri Angela Merkel dünya liderlərini Brandenburq qapılarında qarşılayıb. Brandenburq Almaniyanın bölünməsinin rəmzi sayılır.
Mərasimdə SSRİ-nin sonuncu rəhbəri Mixail Qorbaçov, Polşada o vaxtkı «Solidarnost» Hərəkatının lideri Lex Valensa, ABŞ-ın Dövlət katibi Hillari Klinton, Britaniyanın Baş naziri Qordon Braun, Fransa prezidenti Nikola Sarkozi və Rusiyanın dövlət başçısı Dmitri Medvedev iştirak edir.
1989-cu il noyabrın 9-u gecəsi bir neçə həftə davam edən mitinqlərdən sonra Şərqi Almaniyanın kommunist hakimiyyəti Qərbi Berlinlə Şərqi Berlini bir-birindən ayıran sərhəd qapılarını açmalı olmuşdu.
Bölmələr
- Siyasət
- Sosial
- İqtisadiyyat
- Azərbaycan-Ermənistan münaqişəsi
- Dünya
- Radio: Qaynar xətt
- İslam və demokratiya
- Insan haqları
- İdman
