Keçid linkləri

2024, 28 Mart, Cümə axşamı, Bakı vaxtı 23:12

Dezinfeksiya işləri bölgələrdəki məktəblərdə də aparılacaq


Bu gün Bakı, Gəncə və Sumqayıtda 6 günlük orta ümumtəhsil məktəblərində qrip və kəskin respirator xəstəliklərin yayılması əleyhinə birdəfəlik dezinfeksiya işləri aparılıb.

Bu barədə AzadlıqRadiosuna Gigiyena və Epidemiologiya mərkəzinin direktor müavini Vaqif Abdullayev məlumat verib.

Onun sözlərinə görə, dezinfeksiya işlərində bromosept və xlor tərkibli digər dezinfeksiyaedici preparatlardan istifadə olunur. Vaqif Abdullayev deyir ki, bu vasitələr güclü preparatlar olduğu üçün uzun müddət öz təsirini saxlaya biləcək.

Vaqif Abdullayev deyir ki, dezinfeksiya işlərinin məktəbəqədər müəssisələrdə və digər idarələrdə, eləcə də bölgələrdə olan məktəblərdə də aparılması planlaşdırılır.

Dünən isə Bakı, Gəncə və Sumqayıtda tədrisi 5 günlük olan məktəblərdə dezinfeksiya işləri aparılıb.

Dezinfeksiya tədbirlərinin nəticəsi noyabrın 3-də məlum olacaq.

Orta məktəblərdə dezinfeksiya işləri Təhsil və Səhiyyə nazirlikləri, Gigiyena və Epidemiologiya mərkəzinin sərəncamı ilə aparılır.
XS
SM
MD
LG