Amnesty İnternational Beynəlxalq İnsan Haqları Təşkilatı Daxili İşlər Nazirliyinin Sülh və Demokratiya İnstitutunun sədri Leyla Yunusa qarşı məhkəmədə iddialarını geri götürməsini alqışlayır. Təşkilatın bu gün yaydığı bəyanatda belə deyilir.
Nazir Ramil Usubov Leyla Yunusu polisin işgüzar nüfuzunu ləkələməkdə günahlandırıb, ondan təkzib verməsini, üzr istəməsini və 100 min manta təzminat ödəməsini istəyirdi. Amma martın 2-də Yasamal Rayon məhkəməsinin iclasında iddialarını geri götürmüşdü.
Amnesty İnternational Beynəlxalq İnsan Haqları Təşkilatı yenə də yüksək rütbəli məmuların hüquq müdafiəçilərinin dediyi fikirlərə görə məhkəməyə vermək tendensiyasından narahatlığını bildirir. Bunun hüquq müdafiəçilərinin işinin mahiyyəti və ifadə azadlığıyla uzlaşmadığını önə çəkir. Bəyanatda qedy olunur ki, bu cür ittihamların yayılması ictimaiyyətin hüquq müdafiəçilərinə inamının zədələməyə və nəticədə insan haqları pozuntularının ümumiyyətlə cəmiyyətdə müzakirə olunmamasına yönəlib.
Amnesti İnternational bəyanatın sonunda Azərbaycan hakimiyətini Leyla Yunusun dekabr ayında verdiyi müsahibədəki faktları ciddi şəkildə müstəqil araşdırmasını təmin etməyə çağırır.
