Bu il martın 1-dən Nəqliyyat, Rabitə və Yüksək Texnologiyalar Nazirliyinin “Bakı Telefon Rabitəsi” İstehsalat Birliyində (BTRİB) öncədən ödəniş sisteminə keçiləcək.
Bu barədə İstehsalat Birliyindən məlumat verilib.
Buna da bax: Ekspert: «Yüksək tariflər ev telefonunun nömrəsini unutdurub»
Məlumata əsasən, telefon rabitəsinə abunə haqqını hər ayın 5-dək ödəmək lazımdır. Ödəniş gecikdirilərsə, ayın 6-da telefon xətti birtərəfli qaydada, ayın sonunda isə ikitərəfli qaydada bağlanacaq.
Birlik yeniliklə bağlı abonentləri SMS vasitəsilə xəbərdar edib. Yeni sistemə keçidin səbəbləri haqda bilgi verilmir.
Buna da bax: 'Rouminqsiz Avropa'ya baxanda Azərbaycandakı tariflər
Aylıq abunə haqqı əhalidən ötrü 2,5 manat, korporativ istifadəçilərə isə 7 manat təşkil edir.