İran prezidenti Hassan Rohani deyib ki, Rusiya prezidenti Vladimir Putinlə, ABŞ-ın İranla nüvə sazişindən çıxması məsələsini müzakirə edəcək.
Rohani “Şanxay əməkdaşlıq təşkilatı” nın Çində keçirilən sammiti çərçivəsində Putinlə görüşdən əvvəl deyib ki, bu iki dövlət, ABŞ-ın İranla nüvə sazişindən çıxmasını ciddi müzakirə etməlidir.
ABŞ prezidenti Donald Trump ötən ay birtərəfli qaydada İran və 6 aparıcı dünya ölkəsi arasında imzalanmış nüvə sazişindən çıxdı və bəyan elədi ki, Vaşinqton Tehrana qarşı sanksiyaları bərpa edəcək.
t Donald Trump
Rohani Tehranla Moskva arasındakı xüsusi münasibətləri alqışlayıb və qeyd edib ki, Rusiya həmin nüvə sazişinin reallaşmasında vacib və əməli rol oynayıb.
2015-ci ildə imzalanmış həmin sazişə görə İran nüvə proqramını dondurub, Qərb ölkələri isə əvəzində ona qarşı beynəlxalq sanksiyaları aradan qaldırıb.
Amma İranla nüvə sazişinə imza atan digər ölkələr – Britaniya, Fransa Rusiya, Çin və Almaniya bu razılaşmaya sadiq qaldıqlarını bildiriblər.