Son iki gündə Bakıda Təcili və Təxirəsalınmaz Tibbi Yardım Stansiyasına günvurma ilə bağlı 11 nəfər müraciət edib. Onlardan 4-ü xəstəxanalara yerləşdirilib, tibbi yardım göstərildikdən sonra evə buraxılıb.
Bu barədə Səhiyyə nazirliyinin mətbuat xidmətindən bildiriblər.
Buna da bax: Xəbərdarlıq: Avropada istidən ildə 150 min nəfər ölə bilər
"Səhiyyə Nazirliyi isti havada günün pik saatlarında açıq havada olmamağı məsləhət görür", - mətbuat xidmətinin əməkdaşı bildirib.
Milli Hidrometeorologiya Departamentinin məlumatına görə, avqustun 8-də Bakıda və Abşeronda quru və isti hava olacaq. Hava daha da istiləşəcək, temperatur +38 +41 dərəcəyə çatacaq.
İsti havaların avqustun 10-dək davam edəcəyi bildirilir.