Ölkə parlamentinin siyasi repressiya qurbanları və siyasi partiyalar haqqında qanunlara dəyişiklik etməyə hazırlaşdığı bildirilir.
Bu haqda Milli Məclisdən bildiriblər.
APA-nın xəbərinə görə, "Siyasi partiyalar haqqında qanun"a dəyişikliklər təklif edilir.
Bundan başqa “Siyasi repressiya qurbanlarına bəraət verilməsi haqqında” qanuna da dəyişiklik layihəsi hazırlandığı qeyd edilir.
Buna da bax: Hüquq müdafiəçisi: 'Son günlər 40-dan çox şəxs saxlanıb'
Hər iki qanunlara təklif olunan dəyişikliklər Milli Məclisin insan hüquqları komitəsinin martın 1-də keçiriləcək iclasında müzakirəyə çıxarılacaq.
Dəyişiklik təkliflərinin detalları açıqlanmır.
“Siyasi partiyalar haqqında qanun" 1992-ci il iyunun 3-də qəbul olunub.
Qanuna son dəyişiklik 2015-ci ilin mart ayında edilib.
Buna da bax: Azərbaycan tarixçiləri Bağırov cinayətlərinə necə haqq qazandırır...
“Siyasi repressiya qurbanlarına bəraət verilməsi haqqında” qanun isə 1996-cı ildə qəbul edilib.