Dekabrın 7-də xarici dövlətlərin silahlı qüvvələrinin Azərbaycanda akkreditə olunmuş hərbi attaşelərinin illik yekun toplantısı keçirilib.
Bu haqda Müdafiə nazirliyinin mətbuat xidməti xəbər verir.
Toplantıda 30 ölkədən 32 nümayəndənin iştirak etdiyi bildirilir.
Buna da bax: Attaşelər hava qüvvələrində olublar
Müdafiə nazirliyinin Beynəlxalq Hərbi Əməkdaşlıq İdarəsinin rəisi Hüseyn Mahmudov iştirakçılara regiondakı hərbi-təhlükəsizlik, Ermənistanın Azərbaycanın 20 faiz ərazisini işğal etməsi və ölkənin Silahlı Qüvvələrində islahatlar aparılması barədə ətraflı məlumat verib.
O, hərbi attaşelərinin çoxsaylı suallarını cavablandırıb.
Buna da bax: Hərbi attaşelər cəbhə bölgəsində
Bakı Hərbi Attaşelər Assosiasiyasının duayeni, Rumıniyanın hərbi attaşesi Rodin Lazariou həmkarları adından çıxış edib.