Rusiya Suriyada müharibənin uzadılmasında günahkardır və humanitar yardım dolu karvanı bombalamaqla hərbi cinayətə yol verib.
Bunu Britaniyanın xarici işlər naziri Boris Jhonson BBC-yə müsahibəsində deyib.
Buna da bax: Türkiyə-Suriya sərhədinə yardım dolu 20 yük maşını toplaşıb
Hələbə humanitar yardım aparan 31 yük maşınından ibarət karvan bir neçə gün əvvəl hava hücumuna məruz qalıb, 20 dinc sakin ölüb. ABŞ Rusiya təyyarələrinin karvanı bombaladığını, Rusiya isə buna bağlılığı olmadığını bildirir.
“Rusiya müharibənin uzanmasında günahkardır və bütün bunları çox pis şəkildə həyata keçirir”, - Jhonson deyib. O əlavə edib ki, humanitar yardım karvanını bombalamaq hərbi cinayətdir.