-
ABŞ-ın "Goldman Sachs" və "JP Morgan" bankları Azərbaycan Dövlət Neft Şirkətinin (SOCAR) Türkiyənin "Petkim" şirkətindəki payının 13 faizini alıb.
Bununla bağlı avqustun 14-də banklar rəsmi məlumat yayıb və sövdələşmə 1,3 milyard dollara baş tutub.
Türkiyənin "Busniess" dərgisi yazır ki, "SOCAR Turkiyə"nin rəhbəri Kenan Yavuz deyib ki, bu sövdələşmə hardasa 1 milyard dollarlıq borclarını vaxtından öncə qaytarmağa imkan yaradıb.
Bununla da SOCAR-ın "Petkim" şirkətindəki payı 48,32 faizə düşüb.
"Petkim" şirkəti polimer, yuyucu vasitə, plastik qablar və s. istehsal edir.