-
"Kafkaya sevgimə gəlincə, bunun bir səbəbi yoxdu. Sevginin səbəbi olmur axı… Sadəcə onu deyim ki, heç vaxt danışmasaq da o, mənim ən yaxşı həmsöhbətim, ən böyük dərd ortağımdı.
Bir də ki, mən Kafkanı həm də ona görə sevirəm ki, onun yaşadığına və hələ də sevgiyə ehtyacı olduğuna inanıram. Sanki mən onu nə qədər çox sevsəm, o da bir o qədər çox yaşayacaq".
Bunu Azərbaycanda məşhur yazıçı Frans Kafkaya həsr edilmiş saytı yaradan yazır.
Franskafka.com-da yazıçının "Məhkəmə", "Qəsr" kimi romanları, çoxlu sayda hekayələri və başqa əsərlərini oxumaq olar.
3 il əvvəl yaradılan və vaxtaşırı yenilənən sayta Kafkaya həsr edilmiş şeirlər, məqalələr, onun haqqında danışılan müsahibələr də yerləşdirilir.