APA-nın məlumatına görə, bu barədə Ədliyyə Nazirliyi Penitensiar Xidmətinin avqustun 25-də yaydığı açıqlamada bildirilir.
Mərhumun vəkili Ramiz Məmmədov isə baş redaktorun yaşamaq hüququnun pozulduğunu bildirib. Onun sözlərinə görə, ölüm faktı ilə bağlı yerli məhkəmələrə müraciət etmək fikrindədir. Bu barədə o, «Turan»a bildirib.
Vəkil həmçinin deyib ki, N.Məmmədovun Avropa İnsan Hüquqları Konvensiyasının 5 (azadlıq və toxunulmazlıq hüququ) və 14-cü (ayrı-seçkiliyin qadağan olunması) maddələri üzrə işi artıq Avropa Məhkəməsindədir.
2008-ci ildə İranın xeyrinə casusluqda ittiham edilərək, 10 il həbs cəzası almış N.Məmmədov bu il avqustun 17-də həbsxanada vəfat edib.
«Talışı sədo» qəzetinin baş redaktoru 68 yaşlı Novruzəli Məmmədov Talış Mədəniyyət Mərkəzinin rəhbəri, həmçinin Azərbaycan Milli Elmlər Akademiyasının Dilçilik İnstitutunun sabiq bölmə müdiri idi.