«Amerika Dövlət Departamentinin İnsan haqlarına dair hesabatındakı fikirlər elə 2005-ci ildəki hesabatdan götürülüb. Sənəd üzərində işlənilməyib»-, bunu parlamentin martın 6-da keçirilən iclasında hakim Yeni Azərbaycan (YAP) partiyasından olan deputat Siyavuş Novruzov deyib.
O, iddia edir ki, Dövlət Departamenti hesabat hazırlayarkən məlumatları hansı mənbələrdən aldığını açıqlamır:
«Hesabatı yazanda ancaq özlərinin qrant verdikləri QHT-lərə əsaslanırlar. Hesabatda göstərilən elə sahələr var ki, ABŞ-da vəziyyət bizdən beş dəfə pisdir. Ədaləti təmsil etmək istəyən dövlət özü ədalətsizlik edir. Bununla da digər dövlətlərin, xalqların hüquqlarını pozur».
Siyavuş Novruzov deyir ki, Dövlət Departamenti hesabat hazırlayanda alternativ mənbə kimi ombudasmanın hesabatına da istinad etsin.
Amerika Dövlət Departamentinin İnsan haqlarına dair illik hesabatında Azərbaycanda insan haqlarının təməl prinsiplərinin: sərbəst toplaşmaq azadlığının, media plüralizminin pozulduğu bildirilir. Jurnalistlərin peşə fəaliyyətinə görə təzyiqlərə məruz qaldığı, həbs edildiyi deyilir. Ölkədə korrupsiyanın geniş yayıldığı vurğulanır.
O, iddia edir ki, Dövlət Departamenti hesabat hazırlayarkən məlumatları hansı mənbələrdən aldığını açıqlamır:
«Hesabatı yazanda ancaq özlərinin qrant verdikləri QHT-lərə əsaslanırlar. Hesabatda göstərilən elə sahələr var ki, ABŞ-da vəziyyət bizdən beş dəfə pisdir. Ədaləti təmsil etmək istəyən dövlət özü ədalətsizlik edir. Bununla da digər dövlətlərin, xalqların hüquqlarını pozur».
Siyavuş Novruzov deyir ki, Dövlət Departamenti hesabat hazırlayanda alternativ mənbə kimi ombudasmanın hesabatına da istinad etsin.
Amerika Dövlət Departamentinin İnsan haqlarına dair illik hesabatında Azərbaycanda insan haqlarının təməl prinsiplərinin: sərbəst toplaşmaq azadlığının, media plüralizminin pozulduğu bildirilir. Jurnalistlərin peşə fəaliyyətinə görə təzyiqlərə məruz qaldığı, həbs edildiyi deyilir. Ölkədə korrupsiyanın geniş yayıldığı vurğulanır.