Keçid linkləri

2024, 21 May, çərşənbə axşamı, Bakı vaxtı 13:36

Yanğın Dövlət Neft Şirkətinin reytinqini azalda bilər


►Ekspertlər bu fikirdədir

“Standard & Poor's” beynəlxalq reytinq agentliyi Azərbaycan Dövlət Neft Şirkətinin (ARDNŞ) reytinqini neqativə endirib. Şirkətin uzunmüddətli kredit reytinqi isə "BB+" səviyyəsində təsdiqlənib.

İqtisadçı ekspert Samir Əliyev deyir ki, Azərbaycanın suveren reytinqinin dəyişməməsi neft şirkətinin reytinqinin kəskin pisləşməsinə imkan verməyib: “Dövlətin şirkətə dəstəyi onun mövqeyini qoruya bilib. Agentlik hesab edir ki, gələcəkdə ölkənin reytinqinin pisləşməsi neft şirkətinə də mənfi təsir edə bilər”.

“Yaxın 1-2 ildə yaxşı heç nə gözlənmir”

Samir Əliyev
Samir Əliyev

Ekspert əlavə edir ki, agentlik neftin aşağı qiymətlərini gözə alaraq, yaxın 1-2 ildə reytinqin yaxşılaşacağını gözləmir:

“ARDNŞ-nin dövlət dəstəyi olmadan investisiya xərclərini artırması planı da onun reytinqinə mənfi təsir göstərə bilər. Ancaq neft bahalaşsa, reytinqin yüksəlməsi mümkündür. Bütün bunlar şirkətin buraxdığı avrobondların illik faizlərində əksini tapacaq və onun artmasını şərtləndirəcək. Reytinqin pisləşməsi kredit cəlbi imkanlarını da məhdudlaşdıracaq”.

ARDNŞ indiyədək ümumi məbləği 2.25 milyard dollarlıq olmaqla, 3 dəfə avrobond yerləşdirib. 2012-ci ildə 5,45% dərəcə ilə 500 milyon dollar, 2013-cü ildə 4,75% dərəcə ilə 1 milyard dollar, 2014-cü ildə 6,95% dərəcə ilə 750 milyon dollar həcmində.

Buna da bax: Rus əsgərinin hərəkəti Türkiyəni qəzəbləndirdi

“Günəşli”də baş verən qəza reytinqi azaldacaq”

İqtisadçı ekspert Qubad İbadoğlunun fikrincə, son qəza ARDNŞ-in investisiya reytinqini aşağı salacaq: ""Günəşli” yatağındakı 10 saylı dərin dəniz özülündə baş vermiş qəza şirkətin beynəlxalq reytinqinə təsirsiz ötüşməyəcək. ARDNŞ-nin reytinqinin pisləşməsi onun kredit cəlbetmə imkanlarını da azaldacaq, maliyyə durumuna və investisiya öhdəliklərinə mənfi təsir göstərəcək".

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG