Qiymət nə qədər artıb?
İqtisadçılar qiymət artımı prosesinə nikbin yanaşmırlar
Ölkədə baş verən ikinci devalvasiyadan sonra manatın məzənnəsinin enməsi əks-təsirə, qiymətlərin yüksəlməsinə rəvac verdi. Bu qiymət artımı özünü ərzaq və ya qeyri-ərzaq məhsullarında göstərdi. Qiymət artımı 30-50% arasındadır.
Məsələn, «Yaşıl bazar»da satılan bütün məhsulların qiymətində artım var, amma bazar alıcı baxımından ciddi qıtlıq yaşayır.
Topdansatış qiymətləri 30-70 qəpik arasında qalxıb. Bu artım topdansatış sistemindən pərakəndə satış sisteminə sıçrayıb. Qiymət artımı təkcə xarici valyuta ilə ölkəyə idxal edilən mallara deyil, yerli istehsal mallarına da tətbiq edilir.
Dolları 1,60-a alırlar, 1,62-yə satırlar
Yanvarın 11-də Bakının valyutadəyişmə məntəqələrinin çoxu işə başlayıb, amma məntəqələrin çoxunda dollar satılmır, satılanlarda da limit var. Bəzi məntəqələr isə hələ də bağlıdır.
İşləyən məntəqələrin lövhələrində dolların 1,60 manatdan alındığı, 1,626 manatdan satıldığı göstərilir.
28 may stansiyası ətrafındakı məntəqələrdə satış yoxdur.
Şəhərin digər yerlərindəki bəzi məntəqələrdə satış var.
Satış olan məntəqələrdə limit tətbiq olunur. Hər adama 200, 300, uzağı 500 dollar dəyişdirilir.
Valyuta almaq istəyənlərin sayı çox olduğundan növbələr var.
Mərkəzi Bankın yanvarın 11-nə olan rəsmi məzənnəsinə görə, 1 ABŞ dolları 1,5642 manatdır.
David Bowie vəfat edib
Əfsanəvi britaniyalı müğənni David Bowie 69 yaşında xərçəngdən vəfat edib.
Yanvarın 11-də müğənninin rəsmi tvitter və facebook hesablarında bu barədə məlumat verilib. O, 18 ay idi xərçənglə mübarizə aparırdı.
Bowie-nin Duncan və Alexandria Jones adlı iki övladı qalıb. Duncan Jones tvitterdə atasının ölüm xəbərini təsdiqləyib.
Bowie ötən həftə yeni albom buraxıb. O, 20-ci əsrin ən məşhur qlem-rok müğənnilərindən idi.
Blackstar adlı sonuncu albomu yanvarın 8-də işıq üzü görüb.
2015-ci ilin ən gözəl qolu
Yanvarın 11-də FİFA ən yaxşı oyunçu iolə yanaşı ən gözəl qol üçün Puskas mükafatını da verəcək.
Əsas namizədlər Messi, Roma-nın oyunçusu Alessandro Florenzi və braziliyalı Wendell Lira-nın qollarıdır. (Adların üstə basmaqla Youtube-da qolların videolarına baxa bilərsiniz)