Keçid linkləri

Təcili xəbərlər
2018, 24 Aprel, çərşənbə axşamı, Bakı vaxtı 22:32

Xabarovskda dünya çempionunu öldürən azərbaycanlı polisə təslim olub


Foto arxiv

Xabarovskda “pauerliftinq” (ağırlıq qaldırma) idman növü üzrə dünya çempionu Andrey Drachevi öldürən Anar Allahverənov polisə təslim olub.

RİA Novosti-nin məlumatına görə, o artıq istintaqa ifadə də verib.

İfadədən sonra Anar Xabarovskdakı 1 saylı təcridxanaya aparılıb.

Faktla bağlı "xüliqanlıq zəmnində qətl" ittihamı ilə cinayət işi açılıb.

Rusiyada bu cinayətə görə 20 il və ya ömürlük həbs cəzası kəsilə bilər.

İnsident avqustun 20-də Xabarovskdakı kafelərdən birinin ətrafında baş verib.

Anar Allahverənovla Andrey Drachev arasında təkbətək dava süşüb.

Rəqibini bir zərbə ilə yerə sərən Anar , ona yerdə də zərbələr endirib, nəticədə Drachev aldığı xəsarətdən keçinib.

Xabarovsk diyarı istintaq komitəsinin məlumatına görə o, kəllə-beyin travmasından ölüb.

Anar Allahverənovun əslən azərbaycanlı olduğu bildirilir.

Məlumata görə uzun illərdir ki, qaydasız və əlbəyaxa döyüş növləri ilə məşğuldur, eyni zamanda Dəmiryolu institutunda oxuyur.

1992-ci ildə Xabarovsk diyarının Amursk şəhərində anadan olub.

Günün bütün mövzuları

XS
SM
MD
LG