Paşinyan: Venslə Bakıdakı erməni məhbusların məsələsi müzakirə olunub
Bakıda həbsxanalarda saxlanan erməni məhbusların məsələsi ABŞ-nin vitse-prezidenti Cey Di Vensin Yerevana səfəri zamanı müzakirə olunub. Bunu baş nazir Nikol Paşinyan İctimai Televiziyaya müsahibəsində deyib.
"Biz bu məsələdə maksimum səssiz işləyirik. Xahiş edirəm, məndən çox detal gözləməyin. Amma deyirəm ki, bu məsələni müzakirə etmişik. Elə bir danışıq yoxdur ki, orada bu mövzuya toxunmayaq", – Paşinyan bildirib.
Vens Şəhidlər xiyabanını ziyarət edib
Azərbaycanda səfərdə olan ABŞ vitse-prezidenti Cey Di Vens və xanımı Uşa Vens fevralın 11-də Bakıda Şəhidlər xiyabanı ziyarət ediblər. "Əbədi məşəl" abidəsinin önünə əklil qoyublar.
Vens Əliyevlə məhbusların buraxılmasından da danışıb
Açıqlamada hansı məhbusların buraxılması dəqiqləşdirilməsə də, "Tramp marşrutu" və etimadyaratma kontekstində söhbət Bakıdakı erməni məhbuslardan gedə bilər.
Vensin yerli hüquq müdafiəçilərinin siyasi məhbus saydığı jurnalist və fəalların azadlığa buraxılması məsələsini Əliyevlə müzakirə edib-etmədiyi bəlli deyil.
