ABŞ prezidenti Donald Trump Şimali Koreya prezidenti Kim Jong Un-a Şimali və Cənubi Koreya arasındakı silahsız zonada görüşməyi təklif edib.
O bunu, Böyük 20-lər ölkələrinin Yaponiya sammiti bitdikdən dərhal sonra edib.
Bunu Donald Trump iyunun 29-da özünün Tvitter səhifəsində yazıb.
Prezident bildirib ki, sammitdən sonra Cənubi Koreyaya yollanacaq və əgər Kim istəsə, onunla silahsız zonada əl-ələ görüşə bilər.
Hələlik görüşün mümkünlüyü barədə heç bir məlumat yoxdur.
New York Times yazır ki, bu təşəbbüs təkcə sammitdə iştirak edəb diplomatlar üçün yox,Trump-ın müşavirləri üçün də gözlənilməz olub.
Qeyd edək ki, Donald Trump-la Kim Jong Un arasında keçirilən son görüş nəticəsiz olub.
Donald Trump Şimali Koreya liderinin nüvə silahının məhvinə hazır olmadığını biləndə, görüşü davam etdirməkdən imtina edib.
Şimali Koreya lideri hələlik Trump-ın rəklifinə cavab verməyib.