ABŞ prezidenti Donald Trump deyib ki, Washington Post jurnalisti Jamal Khashoggi-nin İstanbuldakı Səudiyyə konsulluğunda qətlə yetirilməsindən sonra “tarixinən pis ört-basdırlarından” biri baş verib.
"Onları ilkin konsepsiyası çox pis olub. Pis həyata keçirilib və bunun ört-badır edilməsi ört-basdırlar tarixində ən pis ört-basdır olub”.
Oktyabrın 23-də Trump-ın bu qeydlərindən əvvəl Türkiyə prezidenti Recep Tayyip Erdogan demişdi ki, səudiyyəli jurnalist Jamal Khashoggi-nin qətli bir neçə gün öncədən “planlaşdırılıb”.
Trump Erdoğanın Səudiyyə barədə çıxışını “xeyli sərt” adlandırıb.
Özünün hakim partiyasından olan millət vəkilləri qarşısında çıxışında Erdoğan deyib ki, Səudiyyə Khashoggi-nin cəsədinin harada olması və bu əməliyyata kimin əmr verdiyi barədə sualları cavablandırmalıdır.
O habelə şübhəlilərin İstanbulda mühakimə olunmasını tələb edib.
Bu arada Səudiyyə hökumət kabinetinin oktyabrın 23-də verdiyi bəyanatda deyilir ki, “krallıq həqiqətin aşkarlanması və öz səriştəsizliyi və birbaşa cavabdehliyi ilə bu qətlin arxasında duranlarınməsuliyyətə cəlb edilməsi üçün tədbirlər görür”.
Trump-ın və Erdoğanın bəyanatları Səudiyyə Ərəbistanında böyük investisiya konfransının açılışı gününə təsadüf edib. Konfrans Səudiyyənin vəliəhd şahzadəsi Muhammad bin Salmanın təşəbbüsü ilə keçirilir.
Khashoggi-nin qətlinə görə onlarca dövlət və biznes başçısı bu konfransa gəlməyib.
Səudiyyənin enerji naziri Khalid al-Falih deyib ki, “bu Səudiyyə üçün ağır günlərdir və ölkə böhranlı dövrdən keçir”.
Falih bildirib ki, Khashoggi-nin qətli təəssüf doğurur və “krallıqda heç kim bu qətlə haqq qazandıra bilməz”.