Keçid linkləri

2024, 25 Aprel, Cümə axşamı, Bakı vaxtı 14:06

Donald Trump: "Məncə, İslam bizə nifrət edir"


Donald Trump
Donald Trump

-

"Məncə, İslam bizə nifrət edir," deyə ABŞ-ın Respublikaçılar Partiyasının prezidentliyə ən şanslı namizədi Donald Trump çərşənbə günü CNN-ə müsahibəsində dinlə radikal İslam terrorizmi arasında fərqi izah etməyə çalışarkən bildirib.

O, müharibənin radikal İslamla aparıldığını desə də əlavə edib ki, "bunu müəyyən etmək çox çətindir. Bunu ayırd etmək çox çətindir. Çünki kimin kim olduğunu bilmirsən."

Jurnalistin nifrət "İslamın özündədirmi" sualına cavab olaraq Trump sadəcə olaraq deyib ki, bunu media müəyyən etməlidir.

"Biz çox sayıq olmalıyıq. Biz çox ehtiyatlı olmalıyıq. Və biz Birləşmiş Ştatlara nifrət edən insanların bu ölkəyə gəlməsinə imkan verə bilmərik," deyə o bildirib.

Dekabr ayında Trump müsəlmanların ABŞ-a girişinə müvəqqəti qadağa qoyulması çağırışları ilə gündəmə gəlmişdi. Onun bu fikri geniş ictimaiyyətin qınağına tuş gəlsə də, Trump təklifindən imtina etmir.

CNN-in aparıcısı ona terroçuların ailəsinə münasibətdə hansı tədbirlərin görülə biləcəyi barədə sual verib. Trump "mən generallarla birlikdə bu məsələni işləyəcəyəm," cavabını verib.

Ancaq bundan əvvəl o, terrorizmə qalib gəlmək üçün suda boğma kimi işgəncələrin geri qaytarılmasına çağırmışdı. ABŞ "suda boğmadan da o yana getməlidir," deyə o vurğulamışdı.

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG