Keçid linkləri

Təcili xəbərlər
2018, 22 Aprel, bazar, Bakı vaxtı 01:04

Trump yeni 700 milyard dollarlıq müdafiə büdcəsi qanununu imzalayıb


ABŞ prezidenti Donald Trump 700 milyard dollarlıq müdafiə büdcəsi qanununu imzalayıb. Bunun 4, 8 milyard dolları Avropadakı hərbi xərclər üçün nəzərdə tutulub. Bu qanunda Ukraynanın müdafiə xərcləri artırılıb və yeni yer əsaslı qitələrarası ballistik raketin tikilməsi nəzərdə tutulub.

2018-ci il üçün Milli Müdafiə Qanunu (2018 National Defense Authorization Act) adlanan bu sənəd ölkənin Müdafiə Nazirliyi və müvafiq dövlət strukturları üçün siyasi təlimat rolunu oynayır.

Dekabrın 12-də Ağ Evdə Trump Konqresi büdcənin maliyyələşdirilməsinin tezliklə icra edilməsinəçağırıb.

Hərbi xərclərin milyardlarla ölçülən böyük bir hissəsi, əsası hələ Barack Obama tərəfindən qoyulmuş Avropada Çəkindirmə Təşəbbüsü üçün nəzərdə tuitulub. Bu pullar Rusiyanın getdikcə artmaqda olan hərbi qüdrətindən narahat Şərqi Avropa ölkələrinə xərclənməlidir.

ABŞ və NATO müttəfiqləri üç Baltikyanı ölkədə və Polşada kiçik quru qüvvələri birləşmələri yerləşdiiblər. Hərbi qüdrət baxımından o qədər də əhəmiyyətli olmayan bu birliklər Rusiyanın sərhədində daha çox simvolik məna daşıyır.

ABŞ komandanları bundan başqa Şərqi Avropada zirehli döyüş briqadası yerləşdiriblər.

Müdafiə büdcəsi qanununda Ukraynanın təhlükəsliyinə, döyüş silahları daxil 350 milyon dollar xərclənmöəsini nəzərdə tutur. Hərbi büdcəyə döyüş silahlarının daxil edilməsi Ukraynanın illərdən bəri gözlədiyi addımn idi.

Bu qanunda habelə yaralı Ukrayna əsgərlərinin ABŞ hərbi hospitallarında müalicəsi nəzərdə tutulur.

Rusiyanın Soyuq Müharibənin əsas müqavilələrindən birinə zidd olaraq yeni qitələrarası ballistik raket tikməsi barədə iddialardan hiddətlənən respublikaçı millət vəkilləri ABŞ müdafiə qanununa analoji raketin tikintisini əlavə ediblər.

Rusiya bildirib ki, Birləşmiş Ştatlar bu raketin istehsalı barədə qərarın icrasına başlasalar, bu, 1987-ci il Ortamənzilli Nüvə Raket Qüvvələri barədə müqavilənin sonu olacaq.

Ötən həftə Dövlət Departamenti bildirmişdi ki, administrasiya “adi, yer əsaslı, ortamənzilli raket sistemləri” variantlarını və Rusiyanın sözü gedən razılaşmanı pozmasına başqa cavab tədbirlərini nəzərdən keçirir.

Günün bütün mövzuları

XS
SM
MD
LG