Keçid linkləri

Təcili xəbərlər
2020, 03 Dekabr, Cümə axşamı, Bakı vaxtı 12:44

Trump:"Andiçmə mərasiminə gəlməyənlər biletləri qaytarmalıdır"


Donald Trump

ABŞ prezidenti seçilmiş Donald Trump bildirib ki, onun andiçmə mərasiminə dəvət olunan və mərasimi baykot etmək istəyən insanlar boletləri qaytarmalıdırlar.

“Mərasimə qatılmayacaq insanlara gəlincə, hər şey qaydasındadır, çünki bizə boş yerlər lazımdır və ümid edirəm ki, onlar biletləri mənə qaytaracaqlar”, deyə Trump çərşənbə axşamı Fox News televiziyasına müsahibəsində bildirib.

Bundan əvvəl məlum olub ki, azı 38 konqresmen və demokrat etiraz əlaməti olaraq Trumpun andiçmə mərasimində iştirak etməmək qərarına gəliblər.

Ənənəyə görə nümayəndələr palatası və senatın bütün üzvləri prezidentin andiçmə mərasiminə dəvət olunurlar.

Mərasim Konqresin qarşısında keçirilir.

Trum hesab edir ki, yanvarın 20-də keçiriləcək mərasimdə rekord həddə adam iştirak edəcək.

Təşkilatçıların sözlərinə görə, Konqresdən Lincoln-ın abidəsinədək uzanan Vaşinqtondakı mərkəzu bulvarda keçiriləcək bayram tədbirlərinə 3 milyonadək insan qatıla bilər.

Təkcə Vaşinqtonun mərkəzində keçiriləcək tədbirə 900 minədək adam toplaşa bilər.

2009-cu ildə indiki prezident Barack Obamanın andiçmə mərasimi zamanı keçirilən tədbirlərə 1,8 milyon adam qatılşmışdı.

XS
SM
MD
LG