Keçid linkləri

Təcili xəbərlər
2020, 19 Fevral, çərşənbə, Bakı vaxtı 08:09

Cavid Qurbanov: ‘Tramvay xətlərini sökməklə Bakıya ziyan vurublar’


Ukrayna prezidenti Bakıda hansı mesajları verdi
Gözlə

No media source currently available

0:00 0:10:04 0:00

Ukrayna prezidenti Bakıda hansı mesajları verdi

Bakıda yenidən tramvayları bərpa etmək mümkündürmü? Bir çox Bakı sakinərini də düşündürən bu suala cavabında Azərbaycan Dəmir Yolları QSC-nın sədri Cavid Qurbanov deyib ki, tramvayların bərpası olduqca çətin işdir.

O, bu haqda dekabrın 17-də keçirdiyi mətbuat konfransında danışıb. Sədr bildirib ki, yerli və xarici ekspertlər bu işin üzərində çalışırlar. Amma hələlik, konkret bir rəy yoxdur:

“Tramvay xətlərini sökməklə Bakıya ziyan vurublar. Bunu yenidən tikmək çətindir. Amma bu məsələ haqda düşünülür. Cənab prezidentə də məruzə olunub. Düzünü desək çətin məsələdir. Bakı şəhəri sıxdır, Abşeron yarımadasında yerləşdiyindən 3 tərəfi su ilə əhatəlidir”.

Bakıda tramvayların fəaliyyəti 2004-cü ildə tamamilə dayandırılıb. Tramvay xətlərinin söküntüsünə 2000-ci ildən başlanılmışdı. Tramvay parkı isə 2003-cü ilin noyabrında işini dayadıranda rəsmi səbəb elektrik enerjisinə borc göstərilirdi. Amma deyilirdi ki, borc ödənəndən sonra park işini bərpa edəcək. Lakin zamanla sökülən tramvay xətlərinin keçdiyi yollarda yeni çoxmərtəbəli binalar tikilməyə başladı.

Abutalıbov “dövrün tələbidir” deyəndə nəyi nəzərdə tuturmuş?

O vaxtlar yerli mediada tramvayların yığışdırılmasında o zamankı Bakı şəhər icra hakimiyyəti başçısı Hacıbala Abutalıbov günahlandırılırdı. Abutalıbovsa, tramvayların yığışdırlmasını dövrün tələbi adlandırmışdı. O qeyd edirdi ki, tramvay, trolleybus gəlir gətirməyən nəqliyatdır və yalnız dövlət yardımları ilə çalışa bilir.

Hacıbala Abutalıbov
Hacıbala Abutalıbov

Nəqliyyat eksperti İlqar Hüseynli isə bildirir ki, bu gün Bakı küçələrində tıxac, xaos, gərginliyin səbəblərindən bəlkə də birinci məhz tramvayların ləğvidir. Amma o bildirir ki, rəhbəri olduğu təşkilat tramvayların bərpası ilə bağlı tədqiqat aparıb, iki ən optimal variant üzərində dayınıb:

“Birincisi Bakı Dairəvi Yolunun genişləndirilməsi ola bilər. İkinci dənizkənarı bulvardan Azadlıq prospekti boyunca müəyyən işlər görməklə, Binəqədi kəndinə qədər bu sistemi qurmaq olar. Bir də Heydər Əliyev prospektindən hava limanına qədər Bakı kəndlərini birləşdirmək olar. Amma şəhərin daxilindəki kiçik prospektlərdə bu sistemi qurmaq mümkünsüzdür”.

İlqar Hüseynli bildirir ki, tramvayları Bakıda tam bərpa etmək real görünməsə də, bunu hansısa formada əvəzləmək mümkündür.

AzadlıqRadiosu bu barədə Bakı sakinlərinin də fikrini öyrənməyə çalışıb:

Bakı sakinləri tramvaylar haqda bunları deyir
Gözlə

No media source currently available

0:00 0:01:22 0:00

Bakıda tramvaylar 1924-cu ildə fəaliyyətə başlayıb. 80 il sonra 2004-cü ildə sonuncu tramvay da ləğv olunub. Bununla da Bakı tramvayı tarixə qovuşub.

Günün bütün mövzuları

XS
SM
MD
LG