Keçid linkləri

2024, 29 Mart, Cümə, Bakı vaxtı 02:03

Avropa İttifaqı ABŞ-ı İran sazişini dəstəkləməyə çağırıb


ABŞ dövlət katibi Rex Tillerson (solda) və Avropa İttifaqının xarici işlər komissarı Federica Mogherini dekabrın 5-də Brüsseldə görüşüblər
ABŞ dövlət katibi Rex Tillerson (solda) və Avropa İttifaqının xarici işlər komissarı Federica Mogherini dekabrın 5-də Brüsseldə görüşüblər

Avropa İttifaqının xarici işlər komissarı Federica Mogherini ABŞ-ın dövlət katibi Rex Tillerson-la görüşündə Birləşmiş Ştatları İranla dünya gücləri arasında imzalanmış nüvə sazişini saxlamağa çağırıb.

Tillerson dekabrın 5-də Mogherini ilə danışıqlardan sonra deyib ki, “İranın nüvə sazişinin şərtlərinə tam əməl etməsinə nəzarət etmək, həm də eyni zamanda Tehranın bütün region boyunca sabitsizləşdirici hərəkətlərini nəzərə almaq lazımdır”.

Mogherini isə deyib ki, “İranla bütün başqa məsələləri müzakirə etmək üçün 2015-ci ilin nüvə sazişindən çıxmaq bizi heç də yaxşı vəziyytdə qoymaz”.

ABŞ prezidenti Donald Trump ötən ay bildirmişdi ki, İran nüvə sazişinin “ruhuna” əməl etmir.

2015-ci ildə imzalanmış saziş İranın öz nüvə fəaliyyətini kəskin məhdudlaşdırması müqabilində onun üzərindəki beynəlxalq sanksiyaların qaldırılmasına imkan verib.

Mogherini bunu da vurğulayıb ki, Yerusəlimin statusu məsələsini həll etmıək üçün “danışıqlara” ehtiyac var. Həm İsrail, həm də fələstinlilər bu şəhəri özlərinin paytaxtı hesab edirlər.

Trump hazırda Yerusəlimi İsrailin paytaxtı kimi tanımaq məsələsini nəzərdən keçirir. Əksər müsəlman ölkələri belə bir addımın atılmasına qarşıdır.

Ərəb Liqasının baş katibi Əhməd Əbülgeyt dekabrın 5-də Birləşmiş Ştatlara belə bir addımdan çəkinmək xəbərdarlığı verib.

O deyib ki, Yerusəlimin İsrailin paytaxtı kimi tanınması “bütün regionda təbəddülatlar yaradacaq təhlükəli addımdır”.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG