Keçid linkləri

2024, 27 May, Bazar ertəsi, Bakı vaxtı 07:42

Özbək müğənni "abırsız video"ya görə lisenziyasını itirdi


Tamila
Tamila

►Prodüseri də onunla işləməkdən imtina edib

Özbəkistanda müğənni Tamilanın şəxsi həyatı ilə bağlı qalmaqal ona baha başa gəlib.

İnternetə düşən "abırsız video"dan sonra Özbəkistanın Estrada Birliyi - "Uzbeknavo" onu müğənni lisenziyasından məhrum edib.

Prodüseri isə bəyan edib ki, daha onunla işləməyəcək.

Videoda müğənni intim yerini kameraya göstərir.

Tamilanın özü jurnalistlərə deyib ki, şəxsi videonun internetə necə düşdüyü barədə təsəvvürü yoxdur.

Bunun ardınca sosial şəbəkələrin özbək istifadəçiləri arasında "Uzbeknavo"nun Tamilanı konsert vermək lisenziyasından məhrum etmək hüququnun olub-olmadığı barədə diskussiya qızışıb.

Fikrini bildirənlərin çoxu Tamilanı günahlandırır, bir hissəsi isə videonu internetə sızdıran şəxsləri cəzalandırmağa çağırır.

Tamila və onun lisenziyası
Tamila və onun lisenziyası

Bu qalmaqalı işıqlandıran Azadlıq Radiosunun özbək xidməti dinləyicilərinə Özbəkistan Konstitusiyasının 27-ci maddəsini xatırladıb. Bu maddədə şəxsi həyatın toxunulmazlığından söhbət gedir.

Artıq bir dəfə, burnunda sırğa ilə çəkilmiş şəklini İnstaqrama qoyduğuna görə lisenziyadan məhrum edilmiş Tamila noyabrda lisenziyasını bərpa etməyə nail olmuşdu.

Müğənnilərin fəaliyyətini tənzimləyən "Uzbeknavo" qadın müğənnilərlə bağlı sərt tələblər irəli sürməkdə ad çıxarıb. Keçən il bu qurum qadınlar komitəsi ilə birlikdə qadın müğənnilər üçün xüsusi "dress-kod" - geyim qaydaları tətbiq etməyə başlayıb. Bu qaydaya görə qadınlar açıq çiyinli, açıq ayaqlı, yaxud da "artıq seksual elementləri olan" paltarlarda oxuya bilməzlər.

Bunlara da bax:

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG