Keçid linkləri

Təcili xəbərlər
2019, 23 Aprel, çərşənbə axşamı, Bakı vaxtı 04:36

Türkiyə Fransa və İtaliyanı ‘erməni soqırımını’ tanımalarına görə sərt tənqid edir


Fransa prezidenti Emmanuel Macron və birinci ledi Brigitte Macron Yerevandakı "Soyqırım qurbanları" abidəsini ziyarət edirlər (2018-ci il)

Aprelin 11-də Türkiyə Fransa və İtaliyanın 20-ci əsrin əvvəllərində baş vermiş erməni qətliamlarını rəsmən soyqırım kimi tanımaq niyyətini kəskin şəkildə pisləyib.

Fransa prezidenti Emmanuel Macron bu niyyəti barədə hələ aprelin 24-də - ermənilərin Osmanlı Türkiyəsində qətliam edilməsinin anım mərasimində bəyanat vermişdi, aprelin 10-da isə soyqırımı tanıyan sənədi rəsmən imzalayıb. Bu həm də Macron-un 2017-ci ildən bəri davam edən seçki kampaniyası ərzində verdiyi vədlərdən biri idi.

Türkiyənin Xarici İşlər Nazirliyi aprelin 11-də verdiyi bəyanatda bildirir ki, Macron bu vədi seçkidə erməni seçicilərin səslərini qazanmaq üçün vermişdi. Bəyanatda deyilir:

"Heç şübhəsizdir ki, Fransanın dost adlandırılması mümkün olmayan bu addımı onun Türkiyə ilə münasibətlərini neqativ şəkikldə təsirləndirəcəkdir”.

Təxminən 500 min etnik erməninin yaşadığı Fransa I Dünya Müharibəsi illərində erməni tərəfinin iddiasına görə 1, 5 milyon ermənin qətliamı və deportasiyası ilə bağlı soyqırımını hələ 2001-ci ildə rəsmən tanımışdı.

Türkiyə ermənilərin 1915-ci ildəki qırğınlarının əvvəlcədən planlaşdırılmış aksiya olmadığını, itkilərin sayının qat-qat az olduğunu və soyqırım olmadığını bildirir.

İndiyədək Almaniya da daxil 22 ölkə erməni qırğınlarını soyqırım kimi tanıyıb.

Bu arada, aprelin 10-da İtaliya parlamentinin aşağı palatası erməni soyqırımını rəsmən tanıyan qanunvericilik təşəbbüsünü qəbul edib.

Türkiyə XİN İtaliyanın addımını da kəskin pisləyib:

“Təəccüblü deyildir ki, bu təşəbbüsün layihəsi Türkiyə və İtaliyanın münasibətlərini korlamağa sadiq qalan Matteo Salvininin Lega (Nord) Partiyası tərəfindən tərtib edilib”.

Sənin fikrin

Şərhləri göstər

Günün bütün mövzuları

XS
SM
MD
LG