Keçid linkləri

Təcili xəbərlər
2020, 21 Oktyabr, çərşənbə, Bakı vaxtı 14:28

SOCAR əməkdaşlarının əlavə ödənişlərini azaldıb


SOCAR

SOCAR-da çalışan işçilərə, o cümlədən aparıcı, məsul və səlahiyyətli işçilərə təyin edilmiş aylıq əlavə ödəniş məbləğləri iyulun 1-dən 50% azaldılıb. Bununla bağlı SOCAR-ın prezidenti Rövnəq Abdullayev əmr imzalayıb.

Bu barədə AzadlıqRadiosuna SOCAR-da çalışan əməkdaşlar məlumat verib. Onların sözlərinə görə, bu barədə qərar iyunun 22-də qəbul edilib.

"Biz əlavə ödənişləri 2016-cı ildən alırdıq. İndi isə deyirlər ki, neftin qiyməti düşüb, pandemiya dövrüdür, ona görə əlavə ödənişlər ləğv edilib", - adının çəkilməsini istəməyən əməkdaş bildirib.

SOCAR-ın İctimai əlaqələr və tədbirlərin təşkili idarəsinin rəis müavini İbrahim Əhmədov "Turan"a faktı təsdiqləyib.

"Əlavə ödənişlərin azaldılması neftin qiymətinin aşağı düşməsi, iqtisadi böhran və neft məhsullarına olan tələbatın azalması ilə əlaqələndirilir", - İ.Əhmədov söyləyib. Onun sözlərinə görə, işçilərin əsas əməkhaqqında dəyişiklik edilməyib, o, olduğu kimi qalır.

Multimedia

XS
SM
MD
LG