Keçid linkləri

2024, 29 Mart, Cümə, Bakı vaxtı 09:14

Şəki bazarında yanğın [Video]


Yanğın
Yanğın

««Şəki bazar» ASC-də yanğın səhər saat 7-yə yaxın başlayıb və təqribən 3 saatdan çox davam edib».

Bunu AzadlıqRadiosuna hadisə yerində olan şahidlər deyib. Onların bildirməsinə görə, pal-paltar satan mağazalar yanıb.

Şahidlər qeyd edir ki, mağaza sahibləri mallarının çoxunu çıxara bilməyiblər: «Elə mağaza sahibi var ki, mallarını nisyə aldığını deyir. İndi qan ağlayırlar».

Şəki rayonundan verilən xəbərə görə, mağazaları yanan sahibkarların icra hakimiyyətində qəbul ediləcəkləri gözlənilir.

Şahidlərinin bildirməsinə görə, iki il öncə də bu bazarda yanğın baş verib.

90 konteyner, 20 piştaxta yanıb

Fövqəladə Hallar Nazirliyi (FHN) oktyabrın 12-si «Şəki bazar» ASC-də baş verən yanğınla bağlı məlumat yayıb.

Məlumatda yanğının söndürüldüyü bildirilir.

FHN-dən bildirildiyinə görə, ümumi sahəsi 2 hektar olan «Şəki Bazar» ASC-nin ərazisində 90 ədəd bir-birinə bitişik geyim əşyaları konteyneri və 20 ədəd satış piştaxtası yanıb.

Ümumilikdə 1200 kv.m sahənin yandığı qeyd edilir.

Oktyabrın 12-si səhər Şəki şəhər bazarında yanğın baş verdiyi bildirilir.

«Report»un xəbərinə görə, ticarət mərkəzinin bir hissəsi yanıb.

Xəbərdə qeyd edilir ki, yanğının söndürülməsinə Qax və Şəki rayonlarının yanğınsöndürənləri cəlb edilib.

Yanğının tam söndürülmədiyi bildirilir.

Hadisənin səbəbi, hələlik, açıqlanmır.​

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG