Keçid linkləri

2024, 24 May, Cümə, Bakı vaxtı 16:53

Dövlət Departamenti “İzvestiya”nın “imla səhvlərini” düzəldib


ABŞ Dövlət Departamenti Rusiyanın məşhur İzvestisiya qəzetinin saxtakarlığını ifşa edib

Birləşmiş Ştatların Dövlət Departamenti “saxta məktub” dərc etməsi ilə bağlı Rusiyanın hökumətyönlü “İzvestiya” qəzetini lağa qoyub.

Keçmiş rəsmi sovet qəzeti olan “İzvestiya” bu yaxınlarda dərc olunmuş məqalələrindən birində ABŞ rəsmisi Randy Berry-nin adından yazılmış saxta məktubu dərc etmişdi.

Məktubla yanaşı çap olunmuş məqalədə qəzet iddia edirdi ki, ABŞ rəsmisi Randy Berry Rusiyada homoseksualların hüquqlarını müdafiə edən Nikolay Alekseyevə təşəkkürünü bildirib.

Səhvləri düzəldilmiş məktub
Səhvləri düzəldilmiş məktub

Məqalədə deyilirdi ki, “məktub” Alekseyevin elektron poçtu haker hücumna məruz qaldıqdan sonra əldə olunub.

Moskvadakı ABŞ səfirliyi məktubdakı qrammatik və imla səhvlərini düzəltdikdən sonra onu özünün Facebook səhifəsində yerləşdirib.

“İzvestiya”nın sözü gedən məqaləsində Rusiyanın homoseksual icmasının bəzi üzvlərinin adından iddia edilirdi ki, guya ABŞ hökuməti Alekseyevə Rusiyada qızışdırıcılıq fəaliyyətinə görə pul ödəyir.

Haqqında danışılan məktub bu səbəbdən sübut kimi məqaləyə əlavə edilmişdi.

Məqalədə deyilirdi ki, guya bu məktub Alekseyevə ABŞ-ın homoseksual haqları üzrə xüsusi elçisi cənab Berry tərəfindən göndərilib.

Hörmətli İzvestiya, gələcəkdə saxta məktubları dərc etməzdən əvvəl bizə göndərin. Biz böyük məmnuniyyətlə sizin səhvlərinizi düzədərik

1 may, 2015-ci il tarixli bu “saxta məktubda” guya Berry Alekseyevə Rusiyanın Ukrayndakı təcavüzünün dayandırılmasını tələb edən aksiyanı təşkil etdiyinə görə təşəkkür bildirirdi.

Lakin ABŞ diplomatları Amerika rəsmisinin Gmail ünvanından istifadə etməsindən təəccüblənmişdilər.

Amerika diplomatları “İzvestiya” qəzetinə göndərdikləri məktubda yazırdılar: “Hörmətli İzvestiya, gələcəkdə saxta məktubları dərc etməzdən əvvəl bizə göndərin. Biz böyük məmnuniyyətlə sizin səhvlərinizi düzədərik. Hörmətlə, Dövlət Departamenti”.

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG