Keçid linkləri

Təcili xəbərlər
2018, 18 İyul, çərşənbə, Bakı vaxtı 07:12

Azərbaycana xaricdən daha az sabun gəlir


Yuyucu toz istehsalı (arxiv fotosu)

Yuyucu toz, sabun istehsalı artıb

Azərbaycanda son vaxtlar yuyucu vasitələrin istehsalı artıb. Bu ilin birinci yarısında yuyucu maddələrin istehsalı 32,3 tondan (yanvar-iyun 2016) 201,3 tona çatıb. Dövlət Statistika Komitəsinin məlumatına görə, bu dövrdə sabun istehsalı 3 dəfə artıb və 532 ton olub.

Bakıda, Sumqayıtda və Gəncədə səthi aktiv maddələr istehsal edən yerli biznes qurumlarının sayı 10-dan çoxdur. Standartlaşdırma, Metrologiya və Patent üzrə Dövlət Komitəsinin məlumatına görə, bunların bir hissəsi hüquqi şəxs yaratmadan sahibkarlıqla məşğul olan fiziki şəxslərdir.

Buna da bax:​ 'Dollar düşür, mallar niyə ucuzlaşmır?' sualına 'Azərsun'dan cavab

İstehsalın kəskin artımına baxmayaraq, sabun və yuyucu tozlara tələbatın təxminən 95 faizi idxal hesabına ödənilir. Əsas idxalçılar «Procter and Gamble Azerbaijan Services» MMC, «Engin Ltd» MMC, «Aztrade» MMC, «Güllübulaq» MMC və «İntend» MMC-dir.

Xaricdən daha az sabun gəlir

Dövlət Gömrük Komitəsi bu ilin 6 ayında ölkəyə gətirilən sabunun (12 min 91 ton) 8,7 faiz azaldığını açıqlayıb. İdxal olunan sabuna görə 17,2 milyon dollar ödənilib. Bu, ötən il xarici sabun markaları istehsalçılarına ödənilən vəsaitdən 26,9 faiz azdır. Bu dövrdə yuyucu tozların idxalı 20,4 min tondan 22 min tona çatıb. Mal gömrükdə 21 milyon dollara, ötənilkindən 1,3 milyon dollar ucuz rəsmiləşdirilib.

Buna da bax: 'Bazarda malların 25 faizi qaçaqmaldır' - Ekspert

BMT-nin beynəlxalq ticarət statistikası bölməsi (UN Comtrade) 2016-cı ildə istehsalçı ölkələrin Azərbaycana 38,1 milyon dollar dəyərində 39 min ton (2015-ci ildə 42 min ton) yuyucu toz ixrac etdiklərini açıqlayıb. Britaniyadan ötən il Azərbaycana 22,1 min dollar dəyərində 14,8 ton yuyucu toz göndərilib.

Günün bütün mövzuları

XS
SM
MD
LG