Ukraynanın Mariupol şəhərində əsl kabus yaşanır
Dağıdılmış şəhərin sakinləri zirzəmilərdə yaşayır, elektrik və qaz yoxdur, sakinlər küçələrdə yemək hazırlayır. Cəsədlər həyətlərdəki kütləvi məzarlıqlarda və kiçik bağçalarda dəfn olunur.
Ötən gecə Kiyevin bir neçə rayonu atəşə tutulub
Gecə saatlarında Rusiya hərbçiləri paytaxt Kiyevin bir neçə rayonunu atəşə tutub. Bu barədə paytaxtının meri Vitali Kliçko məlumat verib. Ölən və ya yaralananlar barədə hələlik məlumat yoxdur. Kliçko, qəza yerində həkim və təcili yardım xidmətinin xilasedicilərinin işlədiyini bildirib.
Ukraynada həlak olan hərbçilərin sayı açıqlanıb
Rusiyanın Ukraynaya qarşı işğalı başlayandan bəri 2500-3000 arasında ukraynalı hərbçi həlak olub. Bunu CNN telekanalına müsahibəsində Ukrayna prezidenti Vladimir Zelenski deyib. Ətraflı
Digər şəhərlər də atəşə tutulub, ölən və yaralananlar var
Ötən gecə Rusiya ordusu Ukraynanın Severodonetsk, Lisiçansk və Kremennaya şəhərləri də atəşə tutub. Bu barədə Luqansk vilayət hərbi administrasiyasının rəhbəri Serhiy Qayday istinadla UNİAN xəbər verir. Onun sözlərinə görə, bir nəfər ölüb, daha üç nəfər yaralanıb, Bundan başqa Severodonetsk və Lisiçanskda qaz kəmərləri partlayıb.