Avropa İttifaqı Rusiya neftini daşıyan gəmilərin sığortasını qadağan edə bilər. Bu barədə "The Wall Street Journal" yazır. Məlumatda vurğulanır ki, bu cür sanksiyalar Rusiya qarşı altıncı sanksiyalar paketinin hazırlanmasının tərkib hissəsi kimi nəzərdən keçirilir.
Böyük Britaniyadan Ukraynaya 1,6 milyard yardım
Böyük Britaniya Ukraynaya 1,6 milyard dollarlıq hərbi yardım ayıracaq. Baş nazir Boris Consona görə, “Putinin amansız hücumu təkcə Ukraynada hesabsız dağıntılara səbəb olmur, həm də bütün Avropada sülh və təhlükəsizliyi təhdid edir”.
Rusiya Dövlət Dumasının spikeri: Ukraynaya hücum edəndən bəri Rusiyaya qarşı 7374 sanksiya tətbiq edilib
Rusiya Dövlət Dumasının spikeri Vyaçeslav Volodin öz teleqram kanalında 2014-cü ildən bəri Rusiyaya qarşı 10 mindən çox sanksiya tətbiq edildiyini, onlardan 7374-ünün isə Ukraynada “xüsusi hərbi əməliyyat” başlayandan sonra tətbiq edildiyini bildirib. Rusiya fevralın 24-də Ukraynaya qarşı müharibəyə başlayıb. Moskva bu təcavüzü "xüsusi hərbi əməliyyat" adlandırır, bunu əksini deyənlər cinayət məsuliyyətinə cəlb edilir.
Ukraynada zirzəmisində 90 nəfərin olduğu məktəbə hava zərbəsi endirilib, 60 nəfərin həlak olduğu ehtimal edilir
Rusiya hərbçiləri Lisiçansk yaxınlığındakı Beloqorovka kəndində məktəbə hava zərbəsi endirib. Bu barədə Luqansk vilayət hərbi administrasiyasının rəhbəri Sergey Qayday teleqram kanalında məlumat yayıb. 30 nəfərin xilas edildiyi, 60 nəfərinsə həlak olduğu ehtimal edilir. Ətraflı