BMT-dən çağırış
BMT-nin Baş katibi Antonio Quterreş bir daha Ukraynada atəşkəsə çağırıb, Rusiyanın qonşusuna qarşı müharibəsinin dünyada ərzaq təhlükəsizliyinə təsiri ilə bağlı xəbərdarlıq edib. "Effektiv dialoq, atəşkəs, dinc həll üçün mümkün qədər tez şərait yaratmağın yollarının tapılmasında həddən artıq maraqlıyıq", – Quterres aprelin 26-da Moskvada Rusiyanın Xarici İşlər naziri Sergey Lavrovla görüşün əvvəlində deyib. Ətraflı
Lavrov nüvə silahından və Üçüncü Dünya müharibəsindən danışır
Rusiyanın xarici işlər naziri Sergey Lavrov Rusiyanın dövlət telekanalına müsahibəsində deyib ki, hazırda nüvə müharibəsi təhlükəsi xeyli çoxdur və bu təhlükəni lazımınca qiymətləndirməmək olmaz. Rusiya XİN-in başçısı bildirib ki, Qərb ölkələri Ukraynanı silahla təchiz etməklə əslində Rusiyaya qarşı proksi-müharibə aparırlar. Ətraflı
Blinken: Rusiya Ukraynada iflasa uğrayır, Ukrayna isə uğur qazanır
ABŞ rəsmisi deyib ki, Birləşmiş Ştatlar son uğuru görənədək Ukraynaya dəstəyi davam etdirəcək.
Xersonda referendum söhbəti
Moskva Ukraynanın Zaporojye və Xerson vilayətlərində Rusiyanın nəzarətində olan ərazilərdə referendum planlaşdırır. Ukraynanın şərqində döyüşün qızışdığı bir vaxtda yerli rəsmilər belə bir xəbərdarlıqla çıxış ediblər. Ukraynanın cənubunda qismən işğal olunmuş vilayətlərdə səsvermənin təşkilində məqsəd "Xerson Xalq Respublikası" elan etmək ola bilər. Kreml 2014-cü ildə Ukraynanın Krım vilayətini ilhaq edəndən sonra Luqansk və Donetsk vilayətlərində də bu addımı atıb, bu ilin fevralında isə bu iki qondarma qurumu tanıyıb. Ətraflı