ABŞ dövlət katibi: “Biz Rusiyada hakimiyyəti dəyişmək niyyətində deyilik”

ABŞ dövlət katibi Entoni Blinken bəyan edib ki, ABŞ-ın rəsmi siyasəti dəyişməzdir və Vaşinqton nə Rusiyada, nə də başqa ölkədə rejim dəyişikliyi strategiyası həyata keçirmir.

İsraildə səfərdə olan Blinken bir gün əvvəl ABŞ prezidenti Co Baydenin Rusiya prezidenti Vladimir Putinlə bağlı Varşavada dediyi sözlərinə münasibət bildirərkən belə deyib. Bayden Ukraynadakı müharibə ilə bağlı çıxışında deyib:

“Allah xatirinə, bu adam hakimiyyətdə qala bilməz”.

Bir çox şərhçilər bu sözləri ABŞ-ın Putini hakimiyyətdən uzaqlaşdırmağı hədəflədiyinin göstəricisi kimi qəbul ediblər. Baydenin çıxışından qısa müddət sonra Ağ Ev aydınlaşdırıb ki, söhbət “Putinin Rusiyanın qonşu ölkələri üzərində hakimiyyət qazanmasına imkan verilməsinin yolverilməzliyindən” gedir.

Rusiyanın atdığı raket Lvov yaxınlığında neft anbarını tamamilə dağıdıb

Bu barədə Lvov vilayətinin başçısı Maksim Kozitski bazar günü məlumat verib.

Neft bazasına hücumu "Ukrayna qoşunlarını yanacaqla təmin etdiyini" iddia edən Rusiya Müdafiə Nazirliyi məlumatı rəsmən təsdiqləyib.

Zərbənin ABŞ prezidenti Co Baydenin Lvovdan 160 kilometr aralıda, Polşanın Rzeşov şəhərində çıxışı zamanı üç “Kalibr” qanadlı raketlə vurulduğu güman edilir.

.

Makron Baydenin Putin haqqında söylədiyi sözlərdən narazı qalıb

Bazar günü “France 3” telekanalına müsahibəsində Fransa prezidenti Rusiya ilə münasibətlərdə “şifahi eskalasiya”ya qarşı olduğunu deyib.

Martın 26-da Macarıstanda olan ABŞ prezidenti Co Bayden ukraynalı qaçqınlarla söhbətində Putini Ukraynada etdiklərinə görə, “qəssab” adlandırıb.

Makronun sözlərinə görə, indi əsas vəzifə atəşkəsə nail olmaq, daha sonra isə diplomatik kanallarla Rusiya qoşunlarının Ukraynadan tamamilə çıxarılmasıdır və bunun üçün “sözlə və ya əməllə” müharibənin genişlənməsinə imkan verilməməlidir.

Nemtsovun qətlində ittiham olunan zabit Mariupolda

Rusiyalı müxalifətçi Boris Nemsovun qətlinin iştirakçılarından biri hesab olunan (Boris Nemtsovun silahdaşlarının müxalif siyasətçinin qətlinin mümkün təşkilatçılarından biri kimi onun adını çəkirlər) Çeçenistandan olan Daxili İşlər Nazirliyinin zabiti Ruslan Geremeyev Ukraynada döyüşdüyü bildirilir. Qeyd olunur ki, o, Mariupol şəhərinə hücumda iştirak edir. Ətraflı