Keçid linkləri

2024, 18 Aprel, Cümə axşamı, Bakı vaxtı 06:11

Rusiya ruhaniləri Moskva etirazçılarının müdafiəsinə qalxır


Rusiya həbsxanalarından birindəki kilsə
Rusiya həbsxanalarından birindəki kilsə

AzadlıqRadiosunun Rus xidməti xəbər verir ki, Rusiya Pravoslav Kilsəsinin ruhaniləri “Moskva işi” kimi tanınan cinayət işi üzrə ittiham olunanların müdafiəsi üçün açıq məktubla çıxış ediblər.

Onlar artıq mühakimə olunmuşların və məhkəmələrini gözləyənlərin işlərinə yenidən baxılmasını tələb edirlər.

Qırxadək ruhani xadimin imzaladığı açıq məktub “Pravoslaviye i mir” jurnalında dərc olunub.

Ruhanilər Konstantin Kotova çıxarılan hökmü “misli görünməmiş qəddar cəza” adlandırırlar.

Məhkəmə mitinqlərin keçirilməsi qaydalarını dəfələrlə pozduğuna görə Kotovu 4 il müddətinə azadlıqdan məhrum edib.

Kilsə xadimləri bildirirlər ki, cəza qanun pozuntusuna müvafiq olmalıdır:

"Məhkəmə prosesləri repressiya xarakteri daşımamalıdır. Məhkəmələrdən narazıların susdurulması üçün vasitə kimi istifadə oluna bilməz. Qüvvə tətbiqi əsassız qəddarlıqla həyata keçirilməməlidir”.

Sentyabrın 8-də Moskva Şəhər Dumasına seçkilər keçirilib.

Seçki kampaniyası ərzində seçkiyə buraxılmayan müxalifətçi namizədlərə çoxsaylı dəstək aksiyaları keçirilib.

İyulun 27-də Moskvanın mərkəzində keçirilmiş etiraz aksiyasından sonra Rusiya İstintaq Komitəsi kütləvi iğtişaşlar və polisə qarşı zorakılıq ittihamları ilə cinayət işinə başlayıb.

Bu iş üzrə 16 nəfər şübhəli sayılırdı. Sonradan onların bəzilərinə qarşı cinayət işinə xitam verilib.

İnsan haqları müdafiəçiləri, habelə Rusiyanın bir çox tanınmış ziyalıları iyulun 27-də Moskvanın mərkəzində baş verənlərin “kütləvi iğtişaş” olmadığını deyirlər.

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG